Türkmenistanyň Prezidenti Gurbanguly Berdimuhamedowyň 2021-nji ýylyň 12-nji fewralynda gol çeken «Türkmenistanyň Garaşsyzlygynyň şanly 30 ýyllygy, baky Bitaraplygynyň 25 ýyllygy, şeýle hem 2021-nji ýylyň «Türkmenistan — parahatçylygyň we ynanyşmagyň Watany» diýip yglan edilmegi mynasybetli halkara maslahaty, dabaralary we çäreleri geçirmek hakynda» Kararyny üstünlikli ýerine ýetirmek maksady bilen, Türkmenistanyň Medeniýet ministrligi:
— folklor toparlarynyň arasynda görkezme çykyşlaryň bäsleşigini;
— dutar ýasamak senetçiligi, dutarda saz çalmak we bagşyçylyk sungaty boýunça bäsleşigi;
— «Türkmen teatr sungaty» atly bäsleşigi;
— suratkeşleriň hem-de nakgaşlaryň arasynda bäsleşigi yglan edýär.
Bu barada türkmen metbugatynda çap edilen bildirişde aýdylýar.
Döredijilik bäsleşikleriniň düzgünnamalary hem-de olaryň geçiriliş tertibi baradaky maglumatlar bilen Türkmenistanyň Medeniýet ministrliginiň www.medeniyet.gov.tm web saýtyndan tanşyp bilersiňiz.
Habarlaşmak üçin telefon belgileri: 44-00-11, 44-00-37, 44-00-60, 44-00-09, 44-00-07.