Özbegistanyň Ankaradaky ilçihanasynyň başlangyjy esasynda, Türki halklaryň medeniýeti we sungaty boýunça halkara guramasynyň — «TÜRKSOÝ»-yň hem-de Ankara şäher häkimliginiň wekilleriniň gatnaşmaklygynda «Hywa — türki dünýäsiniň medeni paýtagty» atly halkara maksatnamasynyň çäginde Türkiýäniň paýtagtynda Muhammet al-Horezmi ýadygärliginiň açylyş dabarasy geçirildi.
Ankarada Al-Horezmi ýadygärliginiň gurulmagy Türki halklaryň medeniýeti we sungaty boýunça halkara guramasy — «TÜRKSOÝ» tarapyndan Özbegistanyň Prezidenti Şawkat Mirziýoýewiň başlangyjy esasynda yglan edilen «Hywa — türki dünýäsiniň medeni paýtagty» atly halkara maksatnamasynyň çäginde amala aşyryldy.
Çärede Özbegistanyň ilçisi Alişer Azamhojaýew Muhammet Musa Al-Horezminiň adamzat taryhynyň we siwilizasiýasynyň beýik şahsyýetlerinden biridigini aýtdy.
Horezminiň edebi mirasy türkmen-özbek halklarynyň we türki dünýäsiniň umumadamzat taryhyndaky möhüm ornuny görkezýär.
Türkiýäniň paýtagty Ankara şäheriniň Keçiören etrabynyň meşhur seýilgähinde gurlan Muhammet al-Horezminiň ýadygärligi türki dünýäsiniň beýik ylmyny we edebi mirasyny wagyz edýän täsin desgalaryň birine öwrüldi.
Muhammet al-Horezmi ýadygärliginiň resmi açylyş dabarasyndan soň milli eşikleriň sergisi we «Meňburun Jelaleddin» filminiň görkeziliş çäresi geçirildi.