Gruziýanyň Premýer-ministri Georgiý Gahariýa düýn — 18-nji fewralda işinden aýryljakdygyny mälim etdi. Bu barada Russiýanyň «TASS» habarlar agentligi habar berýär.
Gahariýa, özüniň Premýer-ministr wezipesinden aýrylmagynyň ýurduň syýasy giňişligindäki çaprazlyk derejesini peseltmäge kömek etjekdigine ynanýandygyny aýtdy. Onuň pikiriçe, çaprazlyk we gapma-garşylyk ýurduň geljegine, ösüşine we islendik batymyna (krizise) garşy durmak ukybyna iň uly howpdur. Şonuň üçin hem, Gahariýa ýurduň Premýer-ministri wezipesinden çekilmeklik kararyna gelendigini aýtdy.