Ysraýyl Hökümeti karantini ýeňilleşdirmegiň täze tapgyryny tassyklady.
RIA Nowostiniň habaryna görä, Ysraýyl döwletinde şu ýylyň 21-nji fewralynda, sagat 07:00-dan başlap, karantinden çykmagyň ikinji tapgyry güýje girýär.
Ýurtda epidemiýa garşy käbir düzgünlere laýyklykda söwda merkezleri, bazarlar, muzeýler, kitaphanalar, ybadat öýleri açyk bolar. Ysraýylyň "COVID-19" sanjymynyň 2 dozasyny alan raýatlary bu sanjymy alandyklaryny tassyklaýan şahadatnamalary bilen sport zallaryna, basseýnlere we dürli medeni çärelere baryp bilerler.