Şu gün Halkara gatnaşyklar institutynda Türkmenistanyň Daşary işler, Bilim ministrlikleri we Ýaşlar guramasynyň Merkezi Geňeşi tarapyndan «tegelek stoluň» başyndaky söhbetdeşlik geçirildi.
Diplomatiýa işgärleriniň gününe (18-nji fewral) bagyşlanan çärä ýaş mugallymlar, bu ýokary okuw mekdebiniň talyplary we Ýaşlar guramasynyň işjeň agzalary gatnaşdy.
Çykyş edenler ýurduň daşary syýasatynyň ähmiýeti, halkara ynsanperwer gatnaşyklaryny pugtalandyrmak, bilim ulgamyny ösdürmek we durnukly ykdysady ösüşi, sebit howpsuzlygyny üpün etmekde ýurduň Bitaraplyk derejesiniň ähmiýeti barada gürrüň etdiler.
