Şwesiýada her ýylyň dekabr aýynda gowşurylýan Nobel baýraklaryndan soň, zyýapat geçirilýän ýeriň – Stokgolm şäher häkimliginiň «Mawy zal» binasynyň wagtlaýyn sanjym merkezine öwrüljekdigi mälim edildi.
Şwesiýanyň Stokgolm şäher häkimliginde ýerleşýän we her ýylyň 10-njy dekabrda gowşurylýan Nobel baýraklaryndan soň 1300 töweregi adam bilen uly toý tutulýan «Mawy zal» binasy wagtlaýyn sanjym merkezine öwrüler.
Stokgolm şäher häkimliginiň metbugat sekretary Anna Kenig: «Sanjym prosesi gaty kyn bolar. Stokgolm şäher häkimligindäki «Mawy zal» ýaly uly ýerler sanjym üçin amatly ýerlerdir.» – diýip belledi.
«Mawy zal» binasyndan başga-da şäherdäki ähli sport zallarynyň wagtlaýyn sanjym merkezleri hökmünde ulanyljakdygy habar berildi.
Norwegiýa «COVID-19» ýokanç keseliniň täze görnüşine garşy göreşmeklik maksady bilen Şwesiýa bilen serhedini ýapmaklyk kararyna geldi.
Adamzada hyzmat edenleri sylaglamak maksady bilen geçirilýän Nobel baýragy gowşurylyş dabarasy pandemiýa sebäpli 1956-njy ýyldan bäri ilkinji gezek ýatyryldy.
Her ýyl dekabr aýynyň ikinji hepdesinde Şwesiýanyň paýtagty Stokgolmda geçirilýän dabarada ýylyň-ýylyna alty ugur boýunça Nobel baýraklary gowşurylýar. Nobel baýragynyň taryhynda bu dabara ikinji gezek geçen ýyl epidemiýa sebäpli geçirilmedi.
Nobel baýragy gowşurylyş dabarasy birinji gezek 1956-njy ýylda Sowet Soýuzynyň Wengriýada bolmaklygyna nägilelik bildirmeklik maksady bilen ýatyryldy.
