Türkmenistanyň Senagatçylar we telekeçiler birleşmesiniň agzasy «Ak gap» hojalyk jemgyýeti arassa we gazlandyrylan suwlaryň, miwe şireleriniň dürli ululykdaky gaplarynyň çişirilmedik görnüşlerini (preformalary) hem-de olaryň gapaklaryny öndürmek boýunça Türkmenistanda ilkinji döredilen kärhanadyr.
«Rysgal» gazetinde habar berlişi ýaly, kärhanada çig mal ammary, önümçilik bölümi, taýýar önümleriň ammary ýaly desgalar bolup, bu ýerde jemi altmyşdan gowrak işgär zähmet çekýär. Geçen ýylyň bir çärýeginde onlarça milliondan gowrak suw gaplarynyň çişirilmedik görnüşi hem-de gapak öndürilipdir. Şeýle-de hünärmenleriň belleýşi ýaly, her ýylyň ýaz-tomus aýlarynda bu önümlere bolan islegler has artyp, dürli görnüşli suwlary, miwe şirelerini öndürijiler tarapyndan olar köp mukdarda sargyt edilýär. Çünki şol döwürde howanyň yssy bolmagy bilen baglanyşyklylykda, ilatyň telekeçileriň hödürleýän dürli görnüşli suwlaryna bolan islegleri-de ýokarlanýar.
Häzirki wagtda gyzyklanma bildirýänler www.akgap.com.tm elektron salgysy arkaly, bu kärhana, onuň hödürleýän hyzmatlarydyr öndürýän önümleriniň görnüşleri baradaky maglumatlar bilen tanşyp bilýärler. Kärhananyň yhlasly hem tutanýerli zähmet çekýän agzybirişgärlerişu ýyl hem önümçilik görkezijilerini ýokarlandyryp, täze zähmet üstünliklerini gazanmagy, geljekde öz önümlerini daşary ýurtlara-da eksport etmegi maksat edinýärler.