Gruziýa resmi taýdan Litwa dili boýunça döwlet komissiýasy (VLKK) tarapyndan Sakartwelo adyny aldy. Bu barada «RIA Nowosti», «Sputnik Litwa»-nyň we ýurduň metbugat gullugynyň habarlaryna salgylanyp habar berýär.
Degişli karar 7-nji ýanwarda komissiýanyň başlygy Audris Antanaýtis tarapyndan kabul edildi.
Şeýlelik bilen, resminamada:
«Döwletleriň resmi atlary» bölümindäki Gruzija (Gruziýa) adyny aýyrmaly we onuň ýerini «Sakartvelas» (Sakartwelo) ady bilen çalyşmaly. diýip bellenilýär
2018-nji ýylda Litwa dili boýunça döwlet komissiýasy (VLKK) Gruziýa we onuň raýatlary üçin Sakartwelo we Sakartweloly diýen alternatiw at döretdi.
Çeşmäniň habaryna görä, Gruziýa resmi ady 2021-nji ýyla çenli dowam etdi, ýöne resminamalarda başga bir alternatiwa hem rugsat berildi.
«M.nedelia.lt»-iň habar berşi ýaly, şu gün Gruziýanyň ady döwletiň Litwadaky ilçihanasyndaky ýazgyda Sakartwelo ady bilen çalşyldy.
Gruziýanyň Litwadaky ilçisi Hatuna Salukwadze bu karary goldaýandygyny aýtmaklyk bilen:
«Litwa dünýäde ilkinji bolup Gruziýa hakyky adyny dakdy. Bu bolsa biziň ýurdumyzyň Litwa bilen örän ýakyn, örän aýratyn gatnaşyklarynyň we hyzmatdaşlygynyň aýdyň mysalydyr.» – diýip belledi.
