«Ak bulut» hojalyk jemgyýeti ýakyn geljekde tehnologik ösüşleriň has soňky mümkinçiliklerini peýdalanmak arkaly, «akylly» potoloklardyr diwarlyklaryň önümçiligini ýola goýmagy maksat edinýär ― diýip, «Rysgal» gazeti habar berýär.
Bu ulgam öýüň ýa-da binanyň ulgamlaryny uzak aralykdan, sanly ulgam arkaly dolandyrmak mümkinçiligini üpjün eder.
Bu hojalyk jemgyýeti ýurdumyzda ilkinjileriň hatarynda asma potoloklaryň önümçiligini ýola goýdy. Onuň ýokary hilli, göze gelüwli we ekologiýa taýdan arassa önümlerine diňe bir içerki bazarda däl, eýsem, daşary ýurtlarda-da uly isleg bildirilýär.
Hojalyk jemgyýetiniň geçen aýda 11,5 müň inedördül metr möçberinde winil örtükli asma potoloklary eksport edendigini we ýakynda metal potoloklaryň önümçiligini ýola goýandygyny habar beripdik.