Aziýanyň Futbol konfederasiýasy milli we klub ýaryşlarynyň nyşanlaryny özgertdi.
Şu gün bu barada AFK-nyň resmi web saýtynda habar berildi we saýtda esasy yklymlaýyn ýaryşlaryň täze nyşanlary hödürlenildi.
Özgerdilen nyşanlaryň arasynda 2022-nji ýyldaky dünýä çempionaty üçin Aziýa boýunça saýlama duşuşyklaryň, Aziýa kubogynyň, zenanlaryň arasyndaky Aziýa kubogynyň, ýaşlaryň arasyndaky Aziýa çempionatynyň we yklymyň iň meşhur klublaýyn ýaryşlary bolan AFK-nyň Çempionlar ligasynyň we AFK-nyň kubogynyň nyşanlary bar.
Türkmenistanyň Futbol federasiýasynyň AFK-nyň doly ygtyýarly agzasydygyny ýatladýarys.
