2020-nji ýylyň ýanwar ― sentýabr aýlarynda Ispaniýa Türkmenistana 241,8 tonna oba hojalyk önümlerini eksport etdi, bu 2019-njy ýylyň degişli döwri bilen deňeşdirilende 62 göterim köpdür. Bu barada «Trend» agentligi Ispaniýanyň Oba hojalyk ministrligine salgylanyp habar berdi.
Maglumatlara görä, kakaonyň eksporty 84% ýokarlanyp, 170,32 tonna, gök önümler we miweler - 36,4 göterim ösüp, 35,76 tonna, galla, un, krahmal we süýt önümleri 2,74 esse ýokarlanyp, 21 tonna ýetdi.
2020-nji ýylyň ýanwar ― awgust aýlarynda Türkmenistana Ispaniýanyň importynyň bahasy 8,9 million ýewro boldy.
Ispaniýa oba hojalygy önümlerinden daşary hem Türkemnistana daş önümleri, mebel we elektrik enjamlaryny eksport edýär.
