Moskwanyň dürli sebitlerindäki ýetmişden gowrak saglyk öýünde «COVID-19» ýokanç keseline garşy köpçülikleýin sanjyma başlandy. Häzirlikçe diňe töwekgelçilik toparyndaky 18 - 60 ýaş aralygyndaky raýatlar, bilim, saglygy goraýyş we jemgyýetçilik pudaklarynda işleýän işgärler sanjym alyp bilerler.
Moskowalylara Gamaleýa instituty tarapyndan işlenip düzülen «Sputnik V» koronawirus sanjymy berilýär. Sanjymyň esasy artykmaçlyklary hökmünde howpsuzlyk, netijelilik we uzak möhletli zyýanly täsirleriň bolmazlygy görkezilýär.
Russiýada şu wagta çenli takmynan 2 million «Sputnik V» sanjymy öndürildi.
