Russiýanyň prezidenti Wladimir Putin dünýädäki nebithimiýa önümlerine bolan islegiň örän möhüm ähmiýete eýedigini mälim etmeklik bilen: «Geljek 5 ýylda global nebit islegi ýylda 1 göterim ýokarlanar. Soň bolsa ýyllyk ortaça 0,1 göterim azalmaga başlar» – diýip belledi.
Russiýanyň prezidenti Wladimir Putin, Russiýanyň Týumen sebitinde energiýa pudagynyň işgärleri bilen geçiren duşuşygynda nebit pudagynyň ösüşine baha berdi.
Russiýanyň nebithimiýa senagatynyň çalt ösýändigini dile getiren Putin: «Russiýanyň nebit öndürijileri ýokary hilli nebit önümleri bilen diňe bir ýurtdaky zerurlyklary kanagatlandyrmaklyk bilen çäklenmän, eýsem dünýä bazarynda hem bäsleşip bilýär.» – diýip belledi.
Russiýanyň çig mal artykmaçlygyny dünýä bazarlarynda has köp ulanmalydygyny aýdan Putin: «Nebit-himiýa önümlerine global islegiň möhüm potensialy bar. Global isleg ýylda ortaça 4 göterim öser diýlip garaşylýar. Geljekki 5 ýylda global nebit islegi ýylda 1 göterim ýokarlanar. Soň bolsa ýyllyk ortaça 0,1 göterim azalmaga başlar.» – diýip nygtady.
Putin Russiýanyň nebithimiýa pudagyny ösdürmeklik üçin jemi 5 trillion rubl – takmynan, 65 milliard dollar maýa goýulmalydygyny aýtdy.
Russiýa dünýäde iň uly nebit öndürýän ýurtlaryň hataryna girýär we geçen ýyl 560 million tonna nebit öndürdi.