Gazagystanyň futbol çempionatynyň 19-njy tapgyrynda «Şahtýor» «Astanany» ynamly ýeňdi. Alma-Aty şäherindäki «Žas Kyran» stadionynda geçirilen duşuşyk «Şahtýoryň» peýdasyna 3:1 hasabynda tamamlandy.
Duşuşykdaky ilkinji pökgini 6-njy minutynda türkmenistanly ýarym goragçy Ruslan Mingazow geçirdi. Şeýlelikde, 28 ýaşly futbolçy çempionatyň şu möwsüminde üçünji gezek tapawutlandy.
Bu ýeňişden soňra utugyny 26-a çykaran «Şahtýor» ýaryş tertibinde bäşinji orny eýeleýär. Ýöne toparyň üçünji orundaky «Astana» bilen aralygy 1 utuga çenli ýygyrdy.
«Şahtýorda» Ruslan Mingazowdan başga-da Aşgabatda doglan futbolçylaryň ýene ikisi ― 34 ýaşly ermeni derwezeçi Dawid Ýurçenko bilen 33 ýaşly russiýaly Andreý Buýwalow çykyş edýär.
