Aşgabadyň «Altyn asyr» futbol topary Türkmenistanyň kubogynyň çärýek finalynyň jogap duşuşygynda Marynyň «Energetigi» 3:0 hasabynda ýeňdi.
Duşuşykdaky pökgüleri Altymyrat Annadurdyýew, Begenç Akmämmedow we Myrat Annaýew dagylar geçirdi.
Şeýlelikde, iki duşuşygyň netijesinde «Energetigiň» derwezesine jogapsyz pökgüleriň 10-syny geçiren «Altyn asyr» Kubok ýaryşynyň ýarym finalyna çykdy.
Türkmenistanyň at gazanan tälimçisi Ýazguly Hojageldiýewiň şägirtleri ýarym finalda «Ahal» bilen duşuşar. Beýleki bir ýarym finalçy jübütler bolsa «Köpetdag» bilen «Şagadam» boldy.
Türkmenistanyň kubogy ugrundaky ýaryşyň ýarym final duşuşyklary 1-nji we 5-nji dekabrda geçiriler. Kubogyň eýesini kesgitlejek aýgytlaýjy duşuşyk bolsa 9-njy dekabrda bolar.
“Energetik” – “Altyn Asyr” –0:3
Gollar: 32 Altymyrat Annadurdyýew, 48 Begenç Akmämmedow, 90+2 Myrat Annaýew, (11 m.j.u.)
Duýduryşlar: 40 Maksat Atagarryýew ― 27 Selim Ataýew.
Geçirilen ýeri: “Energetik” stadiony (Mary ş.)
Duşuşygyň emini: A.Sapaýew (Daşoguz ş.)
Kömekçi eminler: P.Pälwanow (Daşoguz ş.), Y.Kurambaýew (Daşoguz ş.)
Ätiýaçdaky emin: M.Şanazarow (Ýolöten ş.)
Gözegçi emin: H.Rejepow (Aşgabat ş.).
