Germaniýanyň “Bosch” konserni koronawirus ýokançlygyny anyklamak üçin özboluşly awtomatlaşdyrylan synag ulgamyny döretdi. Bu synag ulgamynda amal ýerine ýetirilende, netijäni 39 minutdan soň öwrenmek mümkin bolýar.
Özboluşly awtomatlaşdyrylan synag ulgamy, häzirki wagtda dünýädäki iň çalt polimeraza zynjyr reaksiýaly synagy ulgamydyr. Bu synag ulgamy awtoulag ýollarynda we howa menzillerinde, göçme synag merkezlerinde ulanmak üçin niýetlenilendir.
Germaniýanyň “Bosch” konserni tarapyndan işlenip düzülen synagyň anyklaýyş takyklygy 98 göterimdir. Konsern önümçilik kuwwatyny 1 million synaga çenli artdyrmagy meýilleşdirýär.