Bütindünýä GSM Assosiasiýasy koronawirus epidemiýasy sebäpli Ispaniýanyň Barselona şäherinde geçirilmeli Mobil dünýäsi Kongresini (MWC) 2021-nji ýylyň iýunyna aýyna çenli yza süýşürdi.
Mobil dünýäsi Kongresiniň başlygy Jon Hoffman aslynda şu ýylyň fewral aýynda geçirilmeli MWC-niň COVID-19 sebäpli ýatyrylyp, ilki 1-nji–4-nji mart aralygynda, soňra ýene senesi üýtgedilip 28-nji iýundan–1-nji iýul aralygynda geçirmekligiň meýilleşdirilendigini, ýöne bu ýiti howply ýokanç keseli zerarly ýene-de yza süýşürilip, maslahaty geljek ýylyň iýun aýynda gurnamaklygyň göz öňünde tutulandygyny habar berdi.
Metbugat bilen söhbetdeşlikde Hoffman "Häzirki wagta çenli pudagymyzdaky 100 iri kompaniýanyň 78 göterimi MWC-e – Mobil dünýäsi Kongresine gatnaşyp geldi. Munuň ýene-de 80 göterime ýa-da 85 göterime çenli ýokarlanmagyna garaşýarys." - diýip belläp geçdi
Senenama üýtgeşmesiniň pudak agzalary tarapyndan oňyn kabul edilendigini mälim eden Hoffman, "Geljek ýylky MWC – Mobil dünýäsi Kongresi
üçin hemmämiz diýseň tolgunýarys" - diýdi.
MWC – Mobil dünýäsi Kongresi 2006-njy ýyldan bäri Barselonada geçirilýär, bu ýerde ykjam tehnologiýa kompaniýalary täze önümlerini hödürleýärler we 200 töweregi ýurtdan 100 müňden gowrak pudak wekili gatnaşýar.
MWC-niň – Mobil dünýäsi Kongresiniň, takmynan 13 müň adama iş we 450 million ýewro girdeji galdyrýanlygy sebäpli Barselona şäheri üçin möhüm ähmiýete eýedir.