Aşgabatda hem-de welaýatlarda, Halk Maslahatynyň wideoaragatnaşyk arkaly mejlisiniň geçiriljek ýerlerinde zerur goraýyş maksatly serişdeler bilen üpjün edilen lukmançylyk bölümleri guraldy. Bu barada Türkmenistanyň Ministrler Kabinetiniň mejlisinde wise-premýer P.Agamyradow döwlet Baştutanyna hasabat berdi.
Milletiň Lideri saglygy goraýşa degişli hemme çäreleriň berjaý edilişini hem-de Halk Maslahatyna we beýleki möhüm çärelere gatnaşjaklaryň zerur goranyş serişdeleri bilen üpjün edilişini berk gözegçilikde saklamagyň möhümdigini belläp, bu babatda wise-premýere anyk tabşyryklary berdi.
