Onlaýn synçylaryň bir topary “Amazon” şereketini COVID-19 pandemiýasy wagtynda agyz-burun örtünkleri we hajathana kagyzy ýaly göni sarp edijilere satylýan esasy sarp ediş harytlarynyň bahasyny ýokarlandyrmakda aýyplaýar. Kompaniýanyň wekilleri hem öz gezeginde platformany şol bir hereketiň önümlerini satmak üçin ulanýan garaşsyz satyjylary günäkärleýärler.
Kompaniýa, undan el arassalaýjy enjamlara we agyz-burun örtüklerine çenli 10 sany esasy önümiň bahasyny 1010 göterim ýokarlandyrdy. Bahalaryň ýokarlanmagy şu ýylyň fewral aýyndan awgust aýynyň ortalaryna çenli bolup geçdi.
Jemgyýetçilik raýaty tarapyndan gözden geçirilen önümleriň hemmesi garaşsyz sarp edijiler tarapyndan däl-de, "Amazon şereketi tarapyndan satylýar”diýilýär.
Guramanyň pikiriçe, netijeler Amazon şereketiniň "pandemiýanyň ýokary derejesinde, sarp edijileriň azyk we esasy zerur zatlary köp satyn alýandygy sebäpli içerki üpjün edijiler web sahypasyndaky bahalaryň ýokarlanmagyna jogapkärdir" diýen sözlerine ters gelýär.
Maglumata görä, koronawirusyň ýaýramagyna gözegçilik etmek üçin möhüm hasaplanýan 50 gezek ulanylýan agyz-burun örtüginiň paketiniň bahasy 1000 göterim ýokarlandy. Bu paketler ýazda 40 dollara satyldy, pandemiýadan öň bolsa bary-ýogy 4 dollara satylýardy. Hajathana kagyzlarynyň bahasy hem 528 göterim ýokarlandy. Pandemiýadan öň 7 dollar bahasy bolan önüm 37 dollara satyldy. Sentýabr aýynda esasy sarp ediş harytlarynyň bahasy arzanlap başlady.
