Türkmenistanyň Garaşsyzlyk gününe bagyşlanyp, Daşoguz şäheriniň Türkmenistan köçesiniň ugrunda dört gatly, 16 öýli täze ýaşaýyş jaýy ulanylmaga berildi. Bu barada «Türkmenistan» gazeti habar berýär.
Şähergurluşygynyň hem-de häzirki zaman binagärliginiň iň öňdebaryjy talaplaryna laýyk gelýän, ýaşaýyş şertleriniň ähli oňaýlyklaryny hem-de gündelik durmuşda zerur hyzmatlaryň ýokary derejesini özünde jemleýän täze jaýyň gurluşygyny «Bagtyýarlyk ýoly» hususy kärhanasynyň işçi-hünärmenleri alyp bardylar.
Bu kompaniýa edil şu jaýyň gabadyndaky jaýyň gurluşygyny-da amala aşyrypdy. Häzir gurluşykçylar şäheriň S.Nyýazow hem-de Gurbansoltan eje adyndaky köçeleriniň ugrunda her biri 16 maşgala niýetlenen ýaşaýyş jaýlarynyň ikisini bina edýärler. Nesip bolsa, bu jaýlar hem şu ýylyň dowamynda ulanylmaga berler.