Futbol boýunça Täjigistanyň Kubygy eýelemek ugrundaky bäsleşigiň 1/8 finalynda Duşenbe şäheriniň “Istikloly” birinji liganyň wekili “Mohir” toparyny uly hasap bilen ýeňlişe sezewar etdi.
Bu duşuşykda “Istiklol” “Mohiriň” derwezesinden jogapsyz toplaryň 11-sini geçirmegiň hötdesinden geldi.Toparyna ýeňiş getiren toplaryň birini futbol boýunça Türkmenistanyň milli ýygyndysynyň hüjümçisi Wahyt Orazsähedowyň geçirendigini bellemek gerek.
Geçirilen duşuşyklaryň netijesinde Kubok ugrundaky bäsleşigiň çärýek finalynda “Rawşan” – “Istiklol”, “Lokomotiw-Pamir” – “Regar-TadAZ”, “Eshata” – “Hatlon” hem-de “Istarawşan” – “Kuktoş” toparlary duşuşarlar.
Täjigistanyň Kubok bäsleşigi. 1/8 final.
“Istiklol” – “Mohir” – 11:0
Gollar: Manuçehr Jalilow, 5 (1:0). Manuçehr Jalilow, 18 (2:0). Manuçehr Jalilow, 25 (11 m.j.u.) (3:0). Manuçehr Jalilow, 30 (4:0). WAHYT ORAZSÄHEDOW, 31 (5:0). Ehsoni Pançşanbe, 63, (6:0). Şeriddin Boboýew, 66 (7:0). Alişer Jalilow, 68 (8:0). Wahdat Hanonow, 73 (9:0). Rustam Soirow, 81 (10:0). Şeriddin Boboýew,86 (11:0).
