Ahal welaýat kitaphanasynyň okyjylary diňe şu ýylda 650 adam köpeldi ― diýip, «Türkmenistan» gazeti habar berýär.
Şeýlelikde, welaýat kitaphanasynyň okyjylarynyň sany 17 müňe ýetdi.
Bu ýerde ýylyň başyndan bäri dürli mazmunly kitaplaryň 36 müň 245-si okyjylar tarapyndan okalmaga alyndy. Bitewi elektron kitaphana ulgamynyň hyzmatyndan peýdalanyjylaryň sany hem artdy.
Şu ýylyň ýanwar — iýun aýlarynda täze gelen kitaplaryň, şol sanda Türkmen döwlet neşirýat gullugynyň «Galkynyş» kitap merkezinden gelip gowşan neşirleriň hasabyna kitaphananyň kitap gaznasy 49 müň 239-a ýetdi.
