Ýurdumyzda öndürilýän gök önümleriň möçberiniň artmagyna özleriniň önjeýli goşandyny goşýan ýyladyşhanalaryň sany Mary welaýatynda-da yzygiderli artýar. Mary etrabynyň çäginde, Mary — Şatlyk awtomobil ýolunyň ugrunda gurlup, ýakynda dabaraly ýagdaýda ulanylmaga berlen döwrebap ýyladyşhana aýdylanlaryň aýdyň mysaly ― diýip, «Bereketli toprak» gazeti habar berýär.
Umumy meýdany 5 gektara barabar bolup, ýylda 1200 tonna pomidor ýetişdirip, alyjylara ugratmaga mümkinçilik berjek bu desga «Halal dogan» hususy kärhanasynyň buýurmasy esasynda bina edildi.
«Dört paslyň berekedi» atly hususy kärhananyň guran bu önümçilik desgasynyň işçileriniň 40-dan gowragy ýerli ýaşaýjylardyr.