“Volkswagen”-iň 116 ýyldan bäri işleýän Swikkau zawodynda benzin bilen işleýän soňky ulag öndürildi. Bir asyrdan gowrak wagtyň dowamynda bu ýerde jemi 9,5 milliondan gowrak maşyn öndürilip, onuň 6 million 49 müň 207 sanysy “Volkswagen”-e degişlidir. Zawodyň konweýerinden çykan soňky ulag “Golf R Estate” modeli boldy. Bu ýerde mundan beýläk, dolulygyna elektrik energiýasy bilen işleýän ulaglar öndüriler. Zawodda “Volkswagen”-den başga-da, “Audi”, DKW, “Trabant” ýaly brendler öndürilýär. Bu ýerde “Volkswagen”-iň “Volkswagen”, “Audi” we “Seat” modelleriniň jemi 6 görnüşi öndüriler. Önümçilik desgasynda her ýylda 330 müň elektrokar öndüriler. Zawdoyň bir bölegi “Volkswagen ID.3” maşynlarynyň öndürilmegi üçin gaýtadan enjamlaşdyrylar. Şeýle hem bu ýerde “Volkswagen ID.4” modelleri öndüriler. Zawod ilkinji gezek 1904-nji ýylda “Horch” kompaniýasy tarapyndan gurlupdyr. Soňky ýyllarda dürli kompaniýalaryň eýeçiliginde bolan zawody 1990-njy ýylda “Volkswagen” satyn alypdyr.
