Türkmenistanyň futbol çempionaty ― 2020-niň yzda galan dört tapgyrynda üç duşuşyk geçirendigine garamazdan, «Türkmennebitönümleri» baş müdirliginiň «Ahal» futbol topary möwsümde iň köp pökgi geçiren topardyr. Hojaahmet Arazowyň şägirtleri yzda galan üç duşuşykda 7 gezek tapawutlandylar.
Has takygy, 1-nji tapgyrda «Nebitçiniň» derwezesinden jogapsyz iki pökgi geçiren «Ahal» 3-nji tapgyrda «Merwi» 3:0 hasabynda ýeňdi. 4-nji tapgyrda «Şagadam» bilen bolan duşuşygyň hem «Ahalyň» peýdasyna 2:0 hasabynda tamamlanandygyny habar beripdik.
Ýeri gelende aýtsak, şu möwsümde «Altyn asyr» 4, «Köpetdag» 3, «Aşgabat» bilen «Energetik» 2, «Nebitçi», «Merw» we «Şagadam» bir pökgi geçirdi.
"Ahalyň" 7 golunyň 4-siniň ýarym goragçy Elman Tagaýewe degişlidigini hem ýatladýarys.
