Mary şäheriniň «Merw» futbol topary üçin hem bu möwsümde hem janköýerlerini begendirmek kyn düşýär. 19-njy aprelde 500 janköýeriň ýygnanmagynda geçirilen duşuşykda topar «Aşgabatdan» 0:1 hasabynda ýeňildi.
Şeýlelikde, şu möwsümde diňe «Energetigi» ýeňip bilen «Merw» beýleki üç garşydaşyndan ― «Ahaldan», «Altyn asyrdan» we «Aşgabatdan» asgyn geldi.
Yzda galan duşuşyklarda garşydaş derwezelere diňe 1 pökgi geçirip bilen «Merwiň» futbolçylary öz derwezesinde 6 pökgi gördüler. Ýeri gelende aýtask, «Merw» dört tapgyrdan soňra iň köp pökgi geçirden topardyr.
Biz şu möwsümde «Merwden» başga «Nebitçiniň» hem dört duşuşygyň üçüsinde ýeňlendigini ýatladýarys.
