Düýn, 19-njy aprelde futbol boýunça ýaşlar ligasynyň 4-nji tapgyrynyň üç duşuşygy geçirildi. Baýramaly, Änew we Balkanabat şäherlerinde geçirilen duşuşyklaryň ikisi ýer eýeleriniň ýeňşi, biri deňlik bilen tamamlandy.
Baýramalydaky Sport desgasynda «Aşgabat-2-ni» kabul eden «Merwiň» ýaşlary 3:2 hasabynda üstün çykdylar. Änewde bolsa «Ahal» bilen «Şagadamyň» ýaşlary 1:1 hasabyndaky deňlik bilen oýnadylar. Balkanabatdaky 10 müň orunlyk sport toplumynda geçirilen duşuşykda «Nebitçi-2» «Energetik-2-ni» 2:1 hasabynda ýeňdi.
Tapgyryň ilkinji duşuşygynda «Altyn asyr-2-niň» «Köpetdag-2-ni» 4:2 hasabynda ýeňendigini habar beripdik.
Yzda galan dört tapgyrdan soňra 10 utuk toplan «Nebitçi-2» ýaryşyň başyny çekýär.
Duşuşyklaryň netijeleri:
“Merw II” – “Aşgabat II” – 3:2
Gollar: 8, 34 Artyk Gurbow, 53 Myrat Öwezmyradow (“Merw II”) – 2 Toýmämmet Sahetmämmedow, 14 Döwran Berdiýew (“Aşgabat II”)
Geçirilen ýeri: “Sport desga” stadiony (Baýramaly ş.)
“Ahal II” – “Şagadam II” – 1:1
Gollar: 60 Daýanç Meredow (“Ahal II”) – 45+1 Süleýman Aşyrow (“Şagadam II”)
Geçirilen ýeri: Änew şäheriinde ýerleşýän futbol meýdany
“Nebitçi II” – “Energetik II” – 2:1
Gollar: 15, 52 Remezan Orazgeldiýew (“Nebitçi II”) – 35 Myrat Ataýew (“Energetik II”)
Bellik: Duşuşygyň 41-nji minutynda Baýram Ataýew (“Energetik”) 11 metrlik urgusyny nädürs ýerine ýetirdi.
Geçirilen ýeri: “Sport toplumy” stadiony (Balkanabat ş.)
