1972-nji ýylda çykarylan “Atari” şereketiniň “Pong” oýny 48 ýyldan soňra täzeden gaýdyp geldi. Oýun salonlarynda “Arcade Machine” atly kompýuterlerde oýnalan bu oýun döwrebap usulda “Pong Quest” ady bilen hödürlendi. Köp bolup oýnalmaga hem mümkinçilik döredilen oýny personal kompýuterler, “PlayStation 4”, “Xbox One” we “Nintendo Switch” platformalarynda oýnap bolar. Tas ýarym asyra golaý wagt ozal döredilen oýny oýnamaga niýetlenen dürli enjamlar hem peýda bolupdy.
