Golaýda welaýat häkimliginiň meýilnamasy esasynda welaýat sport we ýaşlar syýasaty Baş müdirliginiň guramagynda futzal boýunça Daşoguz welaýatynyň birinjiligi geçirildi ― diýip, «Daşoguz habarlary» habar berýär.
«Garaşsyzlyk» sport desgasynyň eýwanynda çekeleşikli ýagdaýda geçen ýaryşlara etraplaryň we Daşoguz şäheriniň sport mekdepleriniň 2004-nji ýylda doglan ýetginjek türgenlerinden düzülen futzal toparlary gatnaşdylar.
Oýunlaryň netijesine görä, Baza sport mekdebiniň topary birinji orny eýeledi. Ikinji orna Daşoguz şäherindäki ýöriteleşdirilen Olimpiýa ätiýaçlyk sport mekdebiniň, üçün ji orna S.A.Nyýazow adyndaky etrabyň 2-nji çagalar we ýetginjekler sport mekdebiniň toparlary mynasyp boldular.
Ýeňiji bolanlara welaýat sport we ýaşlar syýasaty Baş müdirliginiň Hormat hatlary gowşuryldy.
