5-nji aprelde geçirilen duşuşyklar bilen Täjigistanyň futbol çempionatynyň täze möwsümine badalga berildi. Möwsümdäki ilkinji duşuşykda ýurduň iň ýokary ligasynyň täze wekilleri «Lokomotiw-Pamir» bilen «Faýzkand» güýç synanyşdylar. Duşuşyk 2:2 hasabyndaky deňlik bilen tamamlandy.
«Hatlon» bilen «Istrawşanyň» arasyndaky duşuşyk bu toparlaryň birinjisiniň 2;1 hasabyndaky ýeňşi bilen tamamlandy. «Kuktoş» bilen «Regar-TedAZ»-yň arasyndaky duşuşykda bolsa hasap açylmady.
Düzüminde türkmenistanly hüjümçi Wahyt Orazsähedow hem çykyş edýän «Istiklol» çempionatyň täze möwsümindäki ilkinji duşuşygyny ertir myhmançylykda «Duşenbe ― 83» bilen duşuşar. Şeýle hem «Hujand» SSKA-nyň myhmany bolar.