Türkmenabat şäher medeniýet öýünde ýurdumyzyň hemişelik Bitaraplygynyň şanly 25 ýyllygynyň şanyna Owganystan we Merkezi Aziýa ýurtlary bilen medeni hyzmatdaşlygyna bagyşlanan dabara geçirildi — diýip, «Türkmenistan» gazeti habar berýär.
Dabaranyň dowamynda goňşy halklaryň taryhy we şu güni barada gürrüň berýän wideogörnüşler görkezildi. Şäheriň tans toparlarynyň ýerine ýetiren doganlyk tanslary we dürli dillerdäki aýdym-sazlar dabaranyň täsirliligini has-da artdyrdy.
Şeýle hem dabara gatnaşyjylara Merkezi Aziýa ýurtlarynyň we Owganystanyň taryhy, edim-gylymlary, milli aýratynlyklary barada gürrüň berýän kitapçalar paýlanyp berildi.
Baýramçylyga beslenen çäre Türkmenistanyň Magtymguly adyndaky Ýaşlar guramasynyň welaýat geňeşi hem-de BMG-niň Öňüni alyş diplomatiýasy boýunça Sebit merkezi tarapyndan geçirildi.