Türkmenistanyň futbol boýunça milli ýygyndysynyň hüjümçisi Wahyt Orazsähedow Duşenbäniň «Istiklol» toparynyň düzüminde AFK-nyň kubogy ― 2020-niň birinji tapgyrynda «Hujand» bilen geçiriljek duşuşyga taýýarlanýar. Topar türkmenistanly hüjümçi bilen şertnama baglaşylandygy barada heniz resmi ýagdaýda habar bermedi.
Yklym ýaryşynyň «Istiklol» bilen «Hujandyň» arasynda boljak ilkinji duşuşygy 11-nji martda Duşenbe şäherindäki Merkezi stadionda geçiriler. Ol ýerli wagt bilen agşam sagat 18-de başlanar. Duşuşykda stadiona janköýerler goýberilmez diýip, «Istiklolyň» resmi saýty habar berýär.
Futbol janköýerleri üçin üçin bu duşuşygyň Täjigistanyň «Warziş» we «Futbol» teleýaýlymlaryndan göni ýaýlymda görkeziljekdigini ýatladýarys.
