Änew şäherindäki Türkmenistanyň Milli «Ak bugdaý» muzeýine ýaşlar üçin köpçülikleýin syýahat guraldy. «Türkmenistan — Bitaraplygyň mekany» ýyly mynasybetli bolan syýahata welaýatyň dürli ýerinden ýaşlar, şol sanda talyplar gatnaşdylar ― diýip, «Türkmenistan» gazeti habar berýär.
Türkmenistanyň Magtymguly adyndaky Ýaşlar guramasynyň welaýat geňeşi tarapyndan guralan syýahatda ýaşlar muzeýde saklanylýan baý taryhy gymmatlyklar bilen tanyşdylar. Ata-babalarymyzyň baý ekerançylyk däplerini, gadymy Änew topragynyň buýsançly geçmişini beýan edýän tapyndylar, gymmatly maglumatlar ýaşlarda uly täsir galdyrdy. Muzeýe ýakynda gelip gowşan tapyndylara gyzyklanma has ýokary boldy.
Muzeý hünärmenleri täze tapyndylar hakynda ýaşlara gyzykly gürrüň berdiler. Bu bolsa syýahata gatnaşyjylara ýakymly duýgulary peşgeş berdi.