Amerikanyň Milli hokkeý ligasy NHL-iň “Monreal Kanadiens” toparynyň russiýaly hokkeýçisi Ilýa Kowalçuk watandaşy Aleksandr Oweçkiniň kluby “Waşington Kapitols” toparynyň hataryna goşuldy. 36 ýaşly Kowalçuk NHL-de geçirilen draft boýunça paýtagtlylaryň oýunçysy boldy. “Waşinton Kapitols” Kowalçugyň şu möwsümdäki 3-nji topary bolar. Ol möwsüme “Los Anjeles Kings” toparynda başlap, soňlugy bilenem Monreal toparyna geçipdi. “Monreal Kanadiensiň” düzüminde 3 gol geçiren Ilýa Kowalçuk şu wagta çenli NHL-de 919 duşuşykda 872 utuk toplamagy başardy. Kowalçugyň täze toparynda onuň watandaşy hökmünde diňe bir Oweçkin bolman, eýsem Dmirtiý Orlow, Ilýa Samsonow, Ýewgeniý Kuznesow dagy hem çykyş edýär.
