“Waşington Kapitolsyň” russiýaly ýyldyzy Aleksandr Oweçkin toparynyň “Nýu Jersi Dewilz” bilen bolan duşuşygynda NHL-däki 700-nji şaýbasyny geçirdi. Şunlukda, ol 700 şaýba geçiren iň ýaş 2-nji hem-de iň tiz wagtda bu görkezijä ýeten 2-nji hokkeýçi bolmagy başardy. Ady agzalan iki görkezijide-de Weýn Gretski birinji orny eýeleýär. 34 ýaşly Oweçkin 1144 duşuşykda 700 şaýba geçirdi. Ol NHL-de 700 şaýba geçiren 8-nji hokkeýçi bolup, bu ugurda Weýn Gretski öňde barýar. Gretski karýerasy boýunça 894 şaýbany öz adyna ýazdyrdy.
NHL-de iň köp şaýba geçirenler
Weýn Gretski – 894 şaýba
Gordi How – 801
Ýaromir Ýagr – 766
Bret Hull – 741
Marsel Dionne – 731
Fil Esposito – 717
Maýk Gartner – 708
Aleksandr Oweçkin – 700
