69-njy gezek geçirilen “NBA All-Star” şüweleňinde LeBron Jeýmsiň topary Jiannis Antetokunmponyň toparyny 157:155 hasabynda ýeňlişe sezewar etdi. Çikago şäherindäki “United Center” arenada oýnalan duşuşygyň 1-nji çärýegi 53:41 LeBronyň toparynyň peýdasyna tamamlandy. 2-nji çärýekde 51:30 Jiannis we topardaşlary ýeňiş gazandy. 3-nji çärýekde 41:41 deňlikde gutardy. 4-nji çärýekde 33:33 ýeňiş gazanan LeBronyň topary umumy hasapda 157:155 üstün çykmagy başardy. Duşuşykda toparynyň ýeňiş gazanmagyna 30 utuklyk goşant goşan Kawhi Leonard golaýda aradan çykan Kobi Braýant adyndaky duşuşygyň iň gymmatly oýunçysy (MVP) baýragyna laýyk görüldi.
