Balkan welaýatynda şu ýylyň ilkinji aýynda senagat önümleriniň 1,6 milliard manatlykdan gowragy, elektrik energiýasynyň 289 million kilowat-sagatdan köprägi, tebigy gazyň 1 milliard 21 million kub metri öndürilip, içerki we daşarky bazarlaryň sarp edijilerine ýetirildi ― diýip, «Türkmenistan» gazeti habar berýär.
Et, süýt, ýumurtga, ösümlik ýagy ýaly azyk önümlerini öndürmekde gowy netije gazanyldy. Ykdysadyýetiň esasy ulgamlarynda gazanylýan bu üstünlikler balkanlylaryň ýaşaýyş-durmuş derejesiniň ýokarlanmagyna oňyn täsirini ýetirýär.
Ýanwar aýynda tutuş welaýat boýunça bölekleýin satuwyň haryt dolanyşygy 321,8 million manatlyga barabar bolup, bu ugurda 19,1 göterim ösüş depgininiň gazanylmagy hem muňa şaýatlyk edýär.
