Ýakynda Türkmenistanyň futbol boýunça milli ýygyndysynyň agzalary Abdy Bäşimow hem-de Wezirgeldi Ylýasow bilen şertnama baglaşan «Kyzylkum» düýn Türkiýäniň Antalýa şäherinde okuw-türgenleşik ýygnanyşygyna başlady. Bu barada klubyň metbugat gullugy habar berýär.
Mundan ozal Özbegistanda türgenleşen topar Türkiýedäki ýygnanyşygyň çäginde hem ýoldaşlyk duşuşyklarynyň birnäçesini meýilleşdirýär. Ozalky duşuşyklarda bolşy ýaly, türkmenistanly futbolçylaryň ýene-de esasy düzümde meýdana çykmagyna garaşylýar.
27-nji fewralda başlanjak Özbegistanyň Superligasynda «Kyzylkum» ilkinji duşuşygyny «Nasaf» bilen geçirer. «Championat.asia» toparyň «Limak Atlantis Belek» myhmanhanasynda ýerleşendigini, baş tälimçi Hakimjon Aktamowyň wagt ýitirmän türgenleşiklere badalga berendigini ýazýar.