Italiýanyň Kubogy ýaryşynda “Napolidir” “Ýuwentusdan soň, 3-nji ýarym finalçy “Milan” topary boldy. Öz meýdançasynda “Torinony” kabul eden “Milan” soňky minutlarda hasaby deňläp, goşmaça wagtda-da ýeňiş gazanmagy başardy. 12-nji minutda milanly Jakomo Bonawentura hasaby açdy. Soňra 34-nji we 71-nji minutlarda tapawutlanan Bremer “Torinony” öňe saýlady. Şondan soň, 82-nji minutda oýna giren Hakan Çalhanoglu 90+1-nji minutda hasaby deňledi. Goşmaça wagtda bolsa, ilki ýene-de Hakan Çalhanoglu (106), soňra Zlatan Ibrahimowiç (108) tapawutlanyp, “Milana” ýeňiş getiren futbolçylar boldy. “Milan” ýarym finalda “Ýuwentus” bilen duşuşar. Soňky ýarym finalçy bolsa, şu günki “Inter”–“Fiorentina” duşuşygyndan soň, belli bolar.
