Watan goragçylarynyň gününiň öň ýanynda Saýat, Hojambaz we Döwletli etraplarynda Türkmenistanyň Milli howpsuslyk ministrliginiň etrap bölüminiň işgärleri üçin edara jaýlarynyň we ýaşaýyş jaýlarynyň dabaraly açylyşy boldy.
Täze jaýlara göçüp gelenler Türkmenistanyň Prezidenti, ýurdumyzyň Ýaragly Güýçleriniň Belent Serkerdebaşysy goşun generaly Gurbanguly Berdimuhamedowa harby hem-de hukuk goraýjy edaralaryň gullukçylarynyň we işgärleriniň hem-de olaryň maşgala agzalarynyň ýaşaýyş-durmuş şertleriniň yzygiderli gowulandyrylýandygy üçin tüýs ýürekden hoşallyk bildirdiler.
Çykyş edenler milli Liderimizi geljekde hem mähriban halkymyzyň asuda we abadan durmuşynyň ygtybarly goralmagyny üpjün etmek babatda öz mukaddes borçlaryny päk ýürekden ýerine ýetirjekdiklerine ynandyrdylar.
