Soňky habarlar

Arhiw

Türkmenistanly tennisçiler Bahreýnde geçirilen halkara ýaryşda goşa medal gazandylar

16:0226.01.2020
0
722

Türkmenistanly ýaş tennisçiler Selim Pirjikow bilen Merýem Muhammedowa 12 ― 25-nji ýanwar aralygynda Bahreýn Patyşalygynyň Madinat-Isa şäherinde geçirilen «ITF West & Asia 14 & Under Development Championships» halkara ýaryşynda bürünç medal eýelediler.

Bürünç medal ugrundaky göreşde olar Siriýadan gelen türgenleri ýeňip, ýemenli we liwanly garşydaşlaryndan asgyn geldiler.

Halkara Tennis federasiýasy (ITF) tarapyndan geçirilen ýaryşa 14 ýaş we ondan kiçi türgenler gatnaşdy. Günbatar we Merkezi Aziýa sebitleri boýunça geçirilen ýaryşda biziň türgenlerimizden başga-da, Liwanyň, Gyrgyzystanyň, Siriýanyň, Bruneý adalarynyň, Saud Arabystanynyň, Ýemeniň we beýleki döwletleriň wekilleri ýaryşdy.

Başlangyç tennisçileriň arasyndaky bu ýaryş 1996-njy ýyldan bäri geçirilip gelinýär.

Teswirler
Teswir ýazmak üçin içeri giriň ýa-da registrasiýa boluň