Golaýda Türkmenistanyň Magtymguly adyndaky milli sazly-drama teatrynyň artistleri Lebap welaýatynda döredijilik saparynda boldular. «Türkmen gündogary» gazetiniň habar berşi ýaly, olar Lebabyň Seýitnazar seýdi adyndaky döwlet sazly-drama teatrynyň sahnasynda çykyş etdiler.
Tomaşaçylara gülküli sahna oýunlary görkezildi. Şonuň ýaly-da aýdym-sazly, şowhunly çykyşlara hem giň gerim berildi. Ýaňlanan aýdym-sazlarda ajaýyp döwrümiz we ynsan duýgulary wasp edildi.
Artistleriň çykyşlary welaýatyň ýaaşýjylary tarapyndan gyzgyn garşylanyldy. Paýtagtly sungat ussatlary döredijilik saparynyň dowamynda ýerli kärdeşleri bilen hem özara tejribe alyşdylar.