Geçen ýylyň başynda peýda bolan eplenýän ekranly telefonlaryň sany barha artýar. “Samsung” we “Huawei” ýaly kompaniýalar eplenýän ekranly telefon modellerini satuwa çykardylar. “Motorola” kompaniýasy bolsa, 2004-nji ýyldaky gapakly “Razr V3” telefonynyň eplenýän görnüşini taýýarlady. Täze “Razr”-yň bahasynyň 1500 dollar boljakdygy we 6-njy fewralda satuwa cykaryljakdygy mälim edildi. Bu telefony internet arkaly sargyt edenler üçin arzanlaşyk yglan edildi. 6,2 dýuýmlyk OLED ekranly enjamyň eplenen wagtyndaky ekrany 2,7 dýuým bolýar. Häzirki wagtda “Samsung-yň “Galaxy Fold”-y, “Huawei”-iň “MATE X” eplenýän ekranly belli smartfonlar hasaplanýar. Mundan başga-da, “Oppo”, LG we “Xiaomi” ýaly kompaniýalar eplenýän ekranly mobil enjamlaryny taýýarlaýar.
