“Nissan” kompaniýasy “LEAF Nismo RC” atly ýaryş ulagyny tanyşdyrdy. Elektrik energiýasy bilen işleýän ýaryş ulagynyň mundan ozalky nusgasy 2018-njiýylyň ahyrynda Tokýoda tanyşdyrylypdy. Bu gezekki tanyşdyrylyş Ispaniýanyň Walensiýa şäherindäki “Circuit Ricardo Tormo” trassasynda geçirildi. “LEAF Nismo RC 02” atlandyrylan bu ulagda iki sany hereketlendiriji oturdylypdyr. Motorlaryň her biriniň kuwwaty 163 at güýjün barabar. Ulag 0-100 km/s tizlige 3,4 sekuntda ýetýär. Kompaniýanyň motorsportlary boýunça global bölüminiň ýolbaşçysy Mihael Karkamo elektrik energiýasy bilen işleýän awtoulaglar babatda öňdebaryjy kompaniýanyň tejribesi bilen NISMO-nyň 60 ýyldan gowrak innowasiýasynyň bu bu taýsyz ulagyň döremegine getirendigini aýdýar. Ýapon kompaniýasy 2010-njy ýylda ilkinjileriň hatarynda “Leaf” ady bilen elektrokar önümçiligini ýola goýdy.
