Aýyň ahyrynda okuw-türgenleşik ýygnanyşygy üçin Birleşen Arap Emirlikleriniň Dubaý şäherine ugrajak Türkmenistanyň futzal boýunça milli ýygyndysy bu ýerdäki türgenleşikleriň çäginde ýoldaşlyk duşuşyklarynyň üçüsini geçirer.
― Duşuşyklar ýerli toparlar bilen geçiriler ― diýip, baş tälimçi Robert Grdowiç Dubaýdaky ýygnanyşykdaky duşuşyklaryň ýygyndylar derejesinde bolmajakdygyny aýtdy.
Futzal ýygyndymyz bu ýerden Tailanda ugarar. Mälim bolşy ýaly, Tailandda geçiriljek halkara ýaryşda ildeşlerimiz ýer eýeleri we Malaýziýanyň ýygyndysy bilen bir toparçada ýaryşar.