«Türkmenistan» gazetinde Goranmak ministrliginiň Harby-deňiz institutyna okuwa girmek üçin resminamalaryň kabul edilip başlanýandygy barada bildiriş berildi.
Bildirişde hem aýdylyşy ýaly, 2020-2021-nji okuw ýylynda Türkmenistanyň Goranmak ministrliginiň Harby-deňiz institutynda okamaga isleg bildiren orta bilimli, çagyryş boýunça harby gullugy geçen, ýaşy 24-den geçmedik ýa-da Türkmenistanyň Goranmak ministrliginiň Ýöriteleşdirilen harby mekdeplerini tamamlan, ýaşy 17 — 25 aralygyndaky Türkmenistanyň raýatlary giriş synaglarynyň netijeleri boýunça okuwa kabul edilýär.
Türkmenistanyň Goranmak ministrliginiň Harby-deňiz institutynda okamaga isleg bildiren dalaşgärlerden orta mekdebiň okuw maksatnamasynyň çäklerinde, döwlet dilinde matematika, fizika, Türkmenistanyň taryhy dersleri hem-de beden taýýarlygy (kadalary ýerine ýetirmek) boýunça giriş synaglary kabul edilýär. Dalaşgärleriň resminamalary ýerli etrap we şäher harby wekilliklerinde kabul edilýär.
Habarlaşmak üçin institutyň salgysy: Balkan welaýatynyň Türkmenbaşy etrabynyň Türkmenbaşy şäherçesiniň Asudalyk köçesiniň 10-njy jaýy. Telefon belgileri: 8-00-243 7-98-24; 7-81-47; 7-97-34.