Angliýanyň «Liwerpul» futbol topary dünýäniň klublaýyn çempionatynyň finalynda Braziliýanyň «Flamengosyny» ýeňip, çempion boldy.
Doha şäherinde geçirilen duşuşyk iňlis toparynyň 1:0 hasabyndaky ýeňşi bilen tamamlandy. Ýeke-täk pökgini goşamaça minutlarda Roberto Firmino geçirdi.
Toparlar mundan ozal yklymara ýaryşda 1981-nji ýylda duşuşypdylar. Şol duşuşyk «Flamengonyň» 3:0 hasabyndaky ýeňşi bilen tamamlanypdy.
Bu Kubok mersisaýdlaryň Ýurgen Kloppyň ýolbaşçylygyndaky üçünji kubogydyr. Nemes hünärmeni toparyň başyna 2015-nji ýylda geçipdi.
Klublaýyn dünýä çempionatynda üçünji orna «Monterreý» mynasyp boldy. Topar üçünji orun ugrundaky duşuşykda biziň yklymymyzyň çempiony, Saud Arabystanynyň «Al-Hilal» toparyny 11 metrlik jerime urgularynyň netijesinde ýeňdi.
