Türkmenistan milli halylaryny ÝUNESKO-nyň maddy däl medeni miras sanawyna goşmagy teklip edýär. Bu barada BMG-niň metbugat gullugy habar berýär.
Sanawa hödürlenýän maddy däl miraslaryň hatarynda 40-dan gowrak gymmatlyk bar. Bu gymmatlyklary sanawa goşmak meselesine ÝUNESKO 9 ― 14-nji dekabr aralygynda Bogotada (Kolumbiýa) geçiriljek maslahatynda sereder. Her bir gymmatlyga ÝUNESKO-nyň degişli komitetini emele getirýän 24 döwletiň wekilleri sereder.
Hödürlenilýän 41 gymmatlygyň dördüsi GDA agza döwletlere degişlidir. Türkmen halylaryndan başga-da bu sanawa goşmak üçin Özbegistandan Horezm lezgi tanslary, Täjigistandan milli falak aýdymlary, Ermenistandan ermeni ýazuwy teklip edilýär.
