27-nji noýabrda geçirlen Hökümet mejlisinde Türkmenistanyň Prezidenti Gurbanguly Berdimuhamedow Telearagatnaşyk, telemetriýa, habar beriş tilsimatlarynyň we teleradioýaýradyş enjamlarynyň XII halkara serginiň hem-de «Türkmentel — 2019» halkara maslahatyň ähmiýetini bellemek bilen, wise-premýer P.Agamyradowa forumyň işine umumybilim berýän mekdepleriň ýokary synp okuwçylarynyň gatnaşyp, bu ugurda gözýetimlerini giňeltmegi üçin şertleri döretmegi tabşyrdy.
Agzalan mejlisde Türkmenistanda ylym ulgamyny 2020 — 2025-nji ýyllarda sanly ulgama geçirmegiň maksatnamasynyň taýýarlanylyşy barada hasabat beren wise-premýer «Türkmenistanda 2019 — 2025-nji ýyllarda sanly ykdysadyýeti ösdürmegiň Konsepsiýasynyň» durmuşa geçirilişi barada hem aýtdy. Aşgabatdaky halkara sergi ýaşlaryň bu işleriň alnyp barlyşy bilen tanyşmagynda uly ähmiýete eýedir.
