Şu gün Duşenbäniň «Istiklol» futbol topary öz taryhynda sekizinji gezek Täjigistanyň kubogyna mynasyp boldy. Bu barada Täjigistanyň Futbol federasiýasynyň resmi saýty habar berýär.
Habarda aýdylyşy ýaly, «Istiklol» final duşuşygyny «Regar-TadAZ» bilen geçirdi. Esasy wagty 1:1 hasabyndaky deňlik bilen tamamlanan duşuşygyň ykbaly 11 metrlik jerime urgularynyň netijesinde kesgitlendi. Ugrularda «Istiklol» 4:2 hasabynda ýeňiş gazandy. Duşuşygyň iň gowy oýunçysy duşenbelileriň derwezeçisi Rustam Ýatimow boldy.
Futbol boýunça Täjigistanyň kubogy ugrundaky ýaryş 1992-nji ýyldan başlap her ýyl geçirilip gelinýär. Oňa ýurduň Ýokary we Birinji ligasynyň wekilleri gatnaşýar.